जिल्ला प्रशासन कार्यालय साेलुखुम्बुमा कार्यरत दुई कर्मचारीमा काेराेना संक्रमण पुष्टि भएपछि प्रशासनकाे सेवा बन्द गरिएकाे छ ।
साउन २७ गतेदेखि भदाै १ गतेसम्म सुरक्षा र मुद्दाबाहेकका अन्य सम्पूर्ण सेवा बन्द भएकाे प्रशासनले जनाएकाे छ ।
प्रशासनले अन्य शाखाका कर्मचारीमा पनि लक्षण देखिएकाले परीक्षण गर्ने बताएकाे छ । प्रशासनका अनुसार निषेधाज्ञा खुकुलाे भएसँगै कार्यालयमा भीड बढ्दै गइरहेकाे छ।
प्रशासन कार्यालयसँगै मालपाेत कार्यालयकाे पनि सेवा बन्द गरिएकाे छ । मालपाेत कार्यालयमा कार्यरत दुई कर्मचारीमा संक्रमण पुष्टि भएपछि साउन २२ गते एक सूचना जारी गरी साउन ३१ गतेसम्म सबै सेवा बन्द गरिएकाे जनाएकाे छ ।
साेलुखुम्बुमा हालसम्म एक हजार ७०७ जनामा सङ्क्रमण पुष्टि भएको छ भने १३ जनाको मृत्यु भएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।