सात वर्षपछि पुन: चेल्सीमा फर्किए लुकाकु

बेल्जियमका फरवार्ड रोमेलु लुकाकु सात वर्षपछि पुनः चेल्सीमा फर्किएका छन् । उनी इंग्लिस क्लब चेल्सीमा बिहीबार आवद्ध भएका हुन् ।

चेल्सीले इटालियन क्लब इन्टर मिलानबाट क्लबको कीर्तिमानी ९७.५ मिलियन पाउण्डमा लुकाकुलाई अनुबन्ध गरेको हो ।

लुकाकुले २०१४ मा चेल्सीको सिनियर टोलीबाट १५ खेल खेलेका थिए । २०१४ मा नै उनी चेल्सीबाट एभर्टनमा अनुबन्ध भएका थिए । एभर्टनमा उनले १६६ खेलमा ८७ गाेल गरे ।

सन् २०१७ मा म्यानचेस्टर युनाइटेडमा अनुबन्ध भएका लुकाकुले युनाइटेडका लागि ९६ खेलमा ४२ गाेल गरे ।

लुकाकु सन् २०१९ मा इन्टर मिलानमा अनुबन्ध भएका थिए । उनले मिलानका लागि गत सिजन २४ गाेल गरेका थिए । उनले इन्टरलाई ११ वर्षपछि लिगको उपाधि जिताउन महत्वपूर्ण भूमिका निर्वाह गरे ।

२८ वर्षीय लुकाकुले बेल्जियमका लागि ९८ खेलमा ६४ गोल गरेका छन् ।





  • प्रकाशित मिति : साउन २९, २०७८ शुक्रबार १३:९:४६

फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्

यो सामग्री सेयर गर्नुहोस्

यो पनि नछुटाउनुहोस्
मल्टिमिडिया