उज्बेकिस्तानले बितेको ४८ घन्टामा उज्बेकिस्तानमा ७५० अफगान सैनिक भागेर आएको बताएको छ ।
६०० जवान अफगान सैन्य विमानमार्फत् आएका र १५० जवान सीमा पार गरेर आएका उज्बेकिस्तानले जनाएको छ ।
उज्बेकिस्तानको प्रशासन अनुसार दक्षिण सहर तेरमेन्जमा ४६ सैन्य विमान ल्यान्ड भएका थिए ।
अफगान सैनिकले आफ्नो ज्यान जोगाउनका लागि उज्बेकिस्तान प्रवेश गरेका हुन् । यसभन्दा पहिला पनि तालिबानको ज्यादती बढेसँगै अफगान सैनिक भागेर छिमेकी देशमा गएका थिए ।
आइतबार तालिबान काबुलमा प्रवेश गरेसँगै अफगानी राष्ट्रपति अशरफ गनीले देश छाडेर भागेका थिए । उनी भागेसँगै सत्ता तालिबानको हातमा परेको छ । गनीले आफूले देशमा रक्तपात नचाहेको कारण देश छाडेर भागेको बताएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।