माधवकुमार नेपाल समूहमा रहे पनि नेकपा एमाले समाजवादीको दर्ताका लागि निवेदन दिँदा आफ्नो उपस्थिति नजनाएका १० एमाले नेताले एक्लाएक्लै कतै पनि नलाग्ने सहमति गरेका छन् ।
उनीहरुले एमाले एकता हुनु पर्ने माग राख्दै आएका छन् ।
माधवकुमार नेपाल समूहमा रहेका स्थायी कमिटी सदस्यहरुले त आफूहरुले एकता चाहेको भन्दै बिहीबार राति एक विज्ञप्ति पनि सार्वजनिक गरेका छन् । विज्ञप्तिमा
उनीहरुले यसअघिको कार्यदलले बनाएका १० बुँदे पूर्णरुपमा अक्षरशः पालना गर्नु पर्ने माग राखेका छन् ।
२७ जेठमा भएको १० बुँदे अक्षरशः पालना, २ जेठ २०७५ मा पार्टीलाई फर्काउनु पर्ने र नेपाल समूहले दल निवेदन फिर्ता लिनु पर्ने उनीहरुको माग छ ।
साथसाथै यी १० नेताले एक्लाएक्लै कुनै पनि समूह वा पार्टीमा नलाग्ने पनि सहमति गरेका छन् ।
‘हामीमध्ये कोही पनि नेता यता खुल्ने वा उता खुल्ने भन्ने हुँदैन,’ यीमध्ये एक नेताले फरकधारलाई जानकारी दिए, ‘हामीले एक्लाएक्लै होइन, सामूहिक रुपमा निर्णय गर्ने र समाजवादको यात्रालाई थप बलियो बनाउन नेकपा एमालेको एकतामा जोड दिने सहमति गरेका छौँ ।’
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
