पोर्चुगिज स्टार फुटबलर क्रिस्टियानो रोनाल्डो इंग्लिस क्लब म्यानचेस्टर युनाइटेडमा आवद्ध भएका छन् ।
युनाइटेडको आधिकारिक फेसबुक पेजमा पनि यसलाई पुष्टि गर्दै रोनाल्डोलाई स्वागत गरिएको एक पोस्ट हालिएको छ । १२ वर्षपछि युनाइटेड फर्किने निर्णय गरेपछि रोनाल्डोका प्रशंसकले अहिले सामाजिक सन्जालमा यही विषयमा व्यापक लेखिरहेका छन् ।
इटालियन क्लब युभेन्टसबाट रोनाल्डो फेरि इंग्लिस क्लबमा फर्किएका हुन् । यसअघि उनी म्यानचेस्टर सिटी जान सक्ने व्यापक अनुमान गरिएको थियो । तर, उनले अन्तिममा युनाइटेड छाने, युनाइटेडले उनलाई अनुबन्धित गर्न सफल भयो ।
रोनाल्डो स्पेनिस क्लब रियल म्याड्रिडबाट ९९.२ पाउन्डमा युभेन्ट्समा आबद्ध गरिएको थियो । युभेन्टसमा रोनाल्डोले ९८ खेल खेले । सन् २०१८ देखि तीन सिजन खेलेका उनले दुई पटक इटालियन सिरि एको उपाधि चुमे ।
त्यसअघि उनले रियल म्याड्रिडमा नौ सिजन खेले । रियललाई चार पटक च्याम्पियन्स लिगको उपाधि जिताएका रोनाल्डोले सन् २००३ देखि युनाइटेडका लागि खेल्न थालेका थिए ।
१२ वर्षअघि युनाइटेडमा हुँदा रोनाल्डोले १९६ खेलमा ८४ गोल गरेका थिए ।
Welcome 𝗵𝗼𝗺𝗲, @Cristiano 🔴#MUFC | #Ronaldo
— Manchester United (@ManUtd) August 27, 2021
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
