अमेरिकी सेनाको अन्तिम सैन्य विमान काबुल विमानस्थलबाट निस्किएपछि तालिबानका एक नेताले आफ्ना लडाकुलाई सम्बोधन गर्दै स्वतन्त्रका लागि बधाई दिएका छन्।
उनले भने, ‘म तपाईंहरू र अफगानिस्तानलाई बधाई दिन्छु । हामी वाचा गर्छौँ कि अब हाम्रो देशमा कुनै हमला हुने छैन । हामी सुख, समृद्धि र सच्चा इस्लामी व्यवस्था चाहन्छौँ ।’
उनले अफगानीसँग राम्रो व्यवहार गर्नका लागि आफ्ना लडाकुलाई निर्देशन पनि दिएका छन् । ‘म तपाईहरूसँग यो भन्न चाहन्छु कि मानिसहरूसँगको व्यवहारलाई लिएर सावधानी अपनाउनुहोस् । यस देशले धेरै गुमाएको छ । अफगानी प्रेम र सहानुभूतिका हकदार हुन् । उनीहरूसँग विनम्र रूपमा पेश आउनु । हामी उनका सेवक हौँ’, उनले भने ।
अर्का तालिबानका नेता हनस हक्कानीले अफगानिस्तानका मानिस खुसी भएको दाबी गरे । उनले केही तत्व अमेरिकी कब्जा कायम रहेको चाहेको बताए ।
काबुलमा कब्जा गरेपछि तालिबानीले केही अफगानीलाई नराम्रो व्यवहार गरेकाे विदेशी सञ्चारमाध्यमले जनाएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
