पोर्चुगलका कप्तान तथा फरवार्ड क्रिस्टियानो रोनाल्डोले बुधबार राति विश्वकप युरोपियन छनोट अन्तर्गत आयरल्यान्ड विरुद्ध २ गोल गर्दै अन्तर्राष्ट्रिय फुटबलमा सर्वाधिक गोल गर्ने पुरुष खेलाडीको कीर्तिमान बनाएका छन् ।
आयरल्यान्ड विरुद्ध २ गोल गरेपछि उनको अन्तर्राष्ट्रिय गोल संख्या १११ पुगेको छ । रोनाल्डोले इरानी खेलाडी अली दाइले कायम गरेको १०९ गोलको कीर्तिमान भङ्ग गरेका हुन् ।
रोनाल्डोले आयरल्यान्ड विरुद्ध खेलको ९० औँ मिनेटमा गोल गर्दै दाइको कीर्तिमान तोडेका थिए । उनले यो कीर्तिमान १८० खेलमा बनाएका हुन् ।
पाँच पटकका बलुन डी’ ओर विजेता रोनाल्डोले सन् २००३ मा पोर्चुगलको सिनियर टोलीका लागि डेब्यु गरेका थिए । उनले सन् २००४ मा ग्रीस विरुद्ध पहिलो अन्तर्राष्ट्रिय गोल गरेका थिए ।
रोनाल्डोले पछिल्ला ६ वर्षमा ५६ गोल गरेका छन् । सन् २००३ मा २ खेल खेल्दा गोल विहिन बनेका उनले सबैभन्दा बढी सन् २०१९ मा १० खेल खेल्दा १४ गोल गरेका थिए ।
रोनाल्डोले गरेका अन्तर्राष्ट्रिय गोल तथ्याङ्कमा
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
