अफगानिस्तानको राजधानी काबुलमा शुक्रबार केही महिलाले राष्ट्रपति भवनको अगाडि उभिएर तालिबान विरुद्ध विरोध प्रदर्शन गरेका छन् ।
उनीहरूले महिला पनि सरकारमा सहभागी हुनुपर्ने माग गरेका छन् ।
अफगानिस्तानमा तालिबानले कब्जा गरेसँगै विश्वभर तालिबानको शासनमा महिलाको अवस्थालाई लिएर चिन्ता व्यक्त गर्न थालिएको छ ।
‘मन्त्रिमण्डलमा महिलाको पनि उपस्थिति हुनुपर्दछ’, ‘महिलाको अधिकार पुरुषसँग बराबरी’ जस्ता माग पर्चामा लेखिएको थियो ।
यसभन्दा पहिला तालिबानको शासन हुँदा महिलाको पूरै शरीर ढाक्नका लागि बुर्का लगाउन निर्देशन दिइएको थियो । यसका साथै दस वर्षभन्दा ठूलोलाई स्कुल जान पनि बन्चित गरिएकाे थियाे ।
तालिबानले आफ्नो शासन इस्लामी कानुन अथवा शरिया कानुन मुताबिक हुने बताएका छन् ।
पछिल्लो महिना तालिबानले महिलालाई उनको सुरक्षाका खातिर घरै बस्नका लागि सल्लाह दिएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।
