अफगानिस्तानको काबुलमा विरोध प्रदर्शनमा उत्रेका महिलाहरु माथि तालिबानले आक्रमण गरेका छन् ।
केही दिनअघि अफगानिस्तानलाई कब्जामा लिएको तालिबानले महिलामाथि कडा नियम लागू गर्ने भएपछि सर्वत्र चिन्ता व्यक्त गरिएको थियो । यसैबीच राजधानी काबुलमा महिलाहरुले तालिबान विरुद्ध प्रदर्शन गरेका थिए ।
शिक्षा रोजगारीको माग गर्दै प्रदर्शन गरेका महिलाहरु माथि तालिबान लडाकूले आक्रमण गरेका हुन् ।
बीस वर्षपछि सत्तामा आएको तालिबानले आफूहरु पहिलेको भन्दा उदार भएको दाबी गरेपनि उनीहरुको पछिल्लो गतिविधिले शंका उब्जाएको छ ।
तालिबानले आफूहरुमाथि असुर ग्याँस र मरिचको धुलोले आक्रमण गरेको प्रदर्शनकारी महिलाहरुले बताएका छन् । प्रदर्शनकारी राष्ट्रपति भवन तर्फ जाँदै गर्दा असुर ग्यास प्रहार गरिएको थियो । तालिबानले भने प्रदर्शन अनियन्त्रित भएपछि असुर ग्याँस प्रहार गरिएको बताएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
