आज दशरथ रंगशालामा भएको खेलमा नेपालले २—१ गोलको अन्तरले भारतसँग पराजित भएको छ ।
यसअघि मैत्रीपूर्ण फुटबलको पहिलो खेलमा बिहीबार नेपालले भारतमाथि आजको खेलभन्दा बढी दबाब सिर्जना गरेको थियो । त्यो खेल बराबरीमा टुंगिएको थियो ।
भारतसँग नेपालले खेलेको पहिलो खेलमा नेपालका लागि एक गोल अन्जन विष्टले गरेका थिए । भारतका लागि अनिरुद्र थापाले गोल गरेका थिए ।
आज भएको खेलमा नेपालका लागि तेज तामाङले एक गोल गरे । भारतका लागि दुई गोल फारुख चौधरी र भारतीय कप्तान सुनील क्षेत्रीले गरेका थिए ।
आजको खेलमा पराजित भए पनि नेपाली फुटबल कप्तान तथा गोलरक्षक किरण चेम्जोङका लागि चाहिँ यो रेकर्ड बनेको खेल हो । यो खेल खेलेसँगै उनले सर्वाधिक खेलेको कीर्तिमान राखेका छन् ।
यसका लागि उनले पूर्वकप्तान विराज महर्जनलाई उछिनेका हुन् ।
किरणले अब नेपालका लागि ७४ औं क्याप जितेका छन् । विराजले चाहिँ ७३ पटक खेलेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।