त्रिकोणात्मक सिरिज खेल्नुअघि अमेरिकाका दुई खेलाडी घाइते
फरकधार / २८ भदौ, २०७८

आइसिसी विश्वकप लिग-२ अन्तर्गतकाे त्रिकाेणात्मक सिरिज अगाडि नै खेल्नुअघि अमेरिकाका दुई खेलाडी घाइते भएका छन् ।



मध्यक्रमका प्रमुख ब्याट्सम्यान आरोन जोन्स र तीव्र गतिका बलर जेसी सिंह चोटका कारण सिरिजबाट बाहिरिएका हुन् ।

जोन्सको बायाँ हात भाँचिएको छ । अमेरिकाका उपकप्तान समेत रहेका जोन्स  सिरिजबाट बाहिरिनु अमेरिकाका लागि ठूलो घाटा हुनेछ । 



सिंहले भने साइड स्ट्रेनको कारण सिरिज गुमाउने भएका हुन् । अमेरिकाले सिंहको स्थानमा तीव्र गतिका बलर काइल फिलिपलाई टोलीमा राखेको छ । 



जाेन्सकाे स्थान संजय कृष्णमुर्तीले लिनेछन् ।

सिरिजको पहिलो खेलमा नेपाल र अमेरिका प्रतिस्पर्धा गर्दैछन् । खेल ओमानको अल अमिरात क्रिकेट मैदानमा नेपाली समयअनुसार दिउँसो सवा ४ बजेबाट सुरु हुनेछ ।
 

  • प्रकाशित मिति : भदौ २८, २०७८ साेमबार १३:२४:४१,  

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया