नेपाली कांग्रेसका नेता प्रदीप गिरीले नयाँदिल्लीस्थित मेदान्त अस्पतालमा किमो थेरापी सुरु गरेका छन् ।
घाटीमा समस्या आएपछि उनी उपचारको लागि नयाँदिल्ली गएका थिए । उपचारको क्रममा उनको घाटीमा क्यान्सर भएको खुलेको थियो । त्यसपछि उनले गुरगाउँमा रहेर आफ्नो उपचार सुरु गरेका हुन् ।
‘उहाँ (प्रदीप गिरी)ले दुई डोज किमो थेरापी लिइसक्नु भएको छ । अब भोली तेस्रो डोज लिनुहुन्छ,’ गिरी निकट एक कांग्रेस नेताले फरकधारलाई बताए ।
सुरुमा गिरी एपोलो अस्पतालमा स्वास्थ्य परिक्षण गराएका थिए । पछि उनले मेदान्तमा स्वास्थ्य परिक्षण गराएका हुन् । गिरी नेपाली कांग्रेस भित्रका बौद्धिक नेता मानिन्छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
