नेकपा (एकीकृत समाजवादी) की प्रभावशाली नेतृ रामकुमारी झाँक्रीले एमाले अध्यक्ष केपी शर्मा ओली टोपी झिकेर खल्तीमा हाल्दै ओत माग्दै आउने बताएकी छिन् ।
त्यसका लागि आगामी निर्वाचनसम्म कुर्नुपर्ने उनले बताइन् । निर्वाचन अघि उनलाई सयौं नेताहरूले छाड्ने उनको दाबी छ ।
पहिले एमालेमा रहँदा नेता माधवकुमार नेपाल नजिक रहेका तर अहिले ओलीसँग रहेका नेताहरूप्रति पनि उनले कटाक्ष गरिन् ।
‘टिकट पनि पाउलान् किन नपाउलान्, पाए चुनाव जित्लान ?’, पार्टीको सिन्धुली जिल्ला कमिटीको सपथ ग्रहण कार्यक्रममा आज झाँक्रीले भनिन् ।
एमालेलाई ‘ओली कम्पनी’ भनेकी उनले अबको सात महिनासम्म सुस्त गतिमा एमाले भत्किने, ८ महिनापछि संघ र प्रदेशको निर्वाचनको प्रक्रिया सुरु हुने र त्यसपछि सामान्य विद्रोह नभइ पहिरो जाने झाँक्रीले ठोकुवा गरिन् ।
सयौं नेताहरू एकीकृत समाजवादी पार्टीमा आउन चाहिरहेको उनको भनाइ छ।
फरक प्रसङ्गमा उनले संसद्, संविधान र लोकतन्त्र बचाउनेलाई किन संसदमा निषेध भन्दै प्रश्न पनि गरिन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।