अमेरिकी राष्ट्रपति जो बाइडेनले अमेरिकाले शान्तिपूर्ण प्रस्तावको अनुसरण गर्न तयार देशसँग सहकार्य गर्ने बताएका छन् ।
संयुक्त राष्ट्रसंघमा सम्बोधन गर्दै उनले भने, ‘हामी संसार विभाजित हुने अर्को एक शीत युद्ध चाँहदैनौं । किनकि हामीले आफ्नो सबै असफलताको नतिजा भोगिसकेका छौं ।’
संयुक्त राष्ट्रसंघको महासभामा बोल्दै उनले अहिले आफूहरु आतंकवादको खतराको सामना गरिरहेको बताए । उनले भने, ‘हामीले अफगानिस्तानमा २० वर्षदेखि जारी युद्ध अन्त्य गरेर कूटनीतिक ढोका खोलिरहेका छौं ।’
उनले अमेरिका अब २० वर्षअघि सेप्टेम्बर ११ मा हमला भएको अवस्थामा नरहेको पनि बताए । उनले भने, ‘आज हामी बढी शक्तिशाली र आतंकवादको चुनौती सामना गर्न तयार छौं ।’
कोरोना महामारी र अफगानिस्तानमा तालिबानको कब्जाबीच संयुक्त राष्ट्र संघको महासभाको ७६ औं सम्मेलन न्युयोर्कमा सुरु भएको छ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।