नेकपा एमालेले यसअघि गर्ने आफ्ना कार्यक्रमहरुमा मुख्य मन्चमा नै शीर्ष नेताहरु पुष्पलाल श्रेष्ठ, मदन भण्डारी र मनमोहन अधिकारीको तस्वीर राख्ने गरेको थियो ।
तर, आजबाट गोदावरीमा सुरु भएको एमाले विधान महाधिवेशनमा यो स्वरुप फेरिएको छ ।
यसपटक मुख्य मन्चमा एमालेले यी तीन नेताको तस्वीर राखेको छैन । बरु त्यहाँ एमालेको चुनाव चिन्ह सूर्यलाई प्राथमिकताका साथ राखिएको छ ।
चुनाव चिन्हको छेउछाउमा चाहिँ नेपालको झण्डा राखिएको छ ।
आजबाट सुरु भएको विधान महाधिवेशनमा विशेष देखिने गरि एउटा मात्र नारा लेखिएको छ— जनताको बहुदलीय जनवाद । अनि त्यसको छेउमा मात्र यी तीन नेताको तस्वीर राखिएको छ ।
एमालेको पहिलो विधान महाधिवेशनमा देशभरबाट ६ हजारभन्दा धेरै प्रतिनिधि सहभागी छन् ।
एमालेले पार्टी महाधिवेशन चाहिँ आगामि मंसिरमा गर्दै छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
