नेकपा एमाले अध्यक्ष केपी शर्मा ओलीले सरकारले ल्याएको दल विभाजनसम्बन्धी अध्यादेश दुषित मनशायका साथ आएको बताएका छन् ।
उनले सरकारले अधिवेशन अन्त्य गरेर २०७८ भदौ १ गते ल्याएको दल विभाजनका लागि सहज हुने अध्यादेशलाई अलोकतान्त्रिक, असंसदीय र विकृत राजनीतिको भद्दा दृष्टान्त बताएका छन् ।
उनले यो अध्यादेशले पार्टी विभाजनको बाटो खोलिदिएको र नयाँ दल गठन गरेको बताएका छन् ।
तर, यसबाट बनेका नयाँ दलको कुनै सैद्धान्तिक, राजनीतिक तथा नीतिगत आधार नभएको पनि उनले बताएका छन् । यो एमाले विभाजनका लागि ल्याइएको वृहत योजनाको एउटा अंग भएको उनले बताएका छन् ।
उनले एमाले विभाजनको यस्तो औचित्य नभएको पनि बताएका छन् ।
नेकपा एमालेको पहिलो विधान महाधिवेशनमा उनले यस्तो बताएका हुन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
