नेकपा एमाले अध्यक्ष केपी शर्मा ओलीले नेपाल एक चीन नीतिमा अडिग भएको बताएका छन् ।
शुक्रबार ललितपुरको गोदावरीमा सुरु भएको विधान महाधिवेशनमा राजनीतिक प्रतिवेदन प्रस्तुत गर्दै ओलीले नेपाल एक चीन नीतिमा अडिग रहेको बताएका हुन् ।
उनले नेपालको कुनै पनि भूभाग वा जमिन छिमेकी तथा मित्र राष्ट्रहरुविरुद्ध प्रयोग हुन नदिने नीतिमा पनि दृढ भएको बताएका छन् ।
प्रतिवेदनमा ओलीले चीनसँग पछिल्लो समय नेपालको सम्बन्ध सुधार भएको पनि उल्लेख गरेका छन् ।
नेकपा एमालेले शनिबार देखि ललितपुरमा पहिलो विधान महाधिवेशन सुरु गरेको हो । यो तीन दिनसम्म चल्नेछ । आज ओलीको राजनीतिक प्रतिवेदन प्रस्तुत गरेसँगै यसमाथि छलफल सुरु भएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।