नेपाली कांग्रेस रामेछापको स्थगित मतदान सुरु हुन लागेको छ । नेता रत्न ढकालले मतदान केही बेरेपछि सुरु हुने बताएका छन् ।
यसअघि हिजो मतदान भइरहँदा मतदानस्थलमा ढुंगामुडा भएको थियो । त्यसपछि मतदान स्थगित भएको थियो ।
ढुंगामुडा हुनुभन्दा पहिले ७०० मत खसेको र त्यसपछि पनि थप ३०० मत खसेको स्रोतले जनाएको छ । स्रोतका अनुसार खसेकामध्ये १५० मत भने गायब भएको छ ।
त्यहाँ सभापति पदका तीन उम्मेदवार छन् ।
संस्थापन पक्षका पूर्णबहादुर तामाङ ‘कान्छाराम’, संस्थापनइतर पक्षबाट लवश्री न्यौपाने र कृष्णबहादुर महत रहेका छन् ।
ढुंगामुडा संस्थापनइतर पक्षबाट भएको स्रोतले बताएकाे छ ।
रामेछापमा कांग्रेस सभापति पदमा मतदान गर्ने मतदाताको संख्या एक हजार ४०० जना छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।