नेकपा एमालेको राष्ट्रिय विधान महाधिवेशन आज (आइतबार) सकिँदैछ।
राजनीतिक, सांगठनिक र विधान संसोधन प्रतिवेदन पारित गर्दै नेकपा एमालेले विधान महाधिवेशनको समापन गर्न लागेको हो ।
महाधिवेशनको अन्तिम दिन आज प्रतिवेदनमाथि पाँच समूहगत छलफलमा संकलित सुझावलाई टोली नेताले आफ्नो निष्कर्ष प्रस्तुत गरेपछि प्रतिवेदन प्रस्तुतकर्ताहरूले त्यसको जवाफ दिएपछि विधान महाधिवेशनको समापन गरिनेछ।
प्रतिनिधिहरूले १० समूहमा विभाजित भएर प्रतिवेदनमाथि छलफल गरेका थिए । जसमध्ये पाँच समूहले शनिबार समूहगत निष्कर्ष सुनाएका थिए । बाँकी ५ समूहको निष्कर्ष सुनेपछि प्रतिवेदन प्रस्तुतकर्ताहरू पार्टी अध्यक्ष केपी शर्मा ओली, महासचिव ईश्वर पोखरेल र विष्णु पौडेलले त्यसको जवाफ दिने कार्यक्रम रहेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।