गैरआवासीय नेपाली संघ (एनआरएनए)ले आज विविध कार्यक्रमहरुको आयोजना गरि १८औं गैरआवासीय नेपाली दिवस मनाएको छ ।
स्वदेश तथा विदेशमा विभिन्न कार्यक्रमहरुको आयोजना गरी यो दिवस मनाइएको हो ।
विगतमा झै यस अवसरमा आज स्वयम्भू र पशुपतिमा पूजाआजा कार्यक्रम गरिएको थियो । यस कार्यक्रममा संघका अध्यक्ष लगायत संरक्षक, सल्लाहकार, पदाधिकारी, विभिन्न मुलुकबाट आएका पदाधिकारी तथा सदस्यहरुको सहभागिता रहेको थियो ।
यसैगरी एनआरएनए सचिवालयमा रक्तदान कार्यक्रमको आयोजना गरिएको थियो । विभिन्न व्यक्तिहरुले रक्तदानमा सहभागिता जनाएका थिए ।
कार्यक्रमको अन्तमा गैरआवासीय नेपालीहरुको सम्मानमा चियापान कार्यक्रमको आयोजना गरिएको थियो । यस कार्यक्रममा संघका अध्यक्ष कुमार पन्तले स्वागत मन्तव्य राखेका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
