इंग्लिस प्रिमियर लिग अन्तर्गत शनिबार भएको खेलमा लिभरपुल विजयी भएको छ । उसले घरेलु टोली वाट्फोर्डमाथि ५–० को फराकिलो जित हात पारेको हो ।
लिभरपुलको जितमा रोबर्टो फिर्मिनोले ह्याट्रिक गरे भने सादियो माने र मोहम्मद सलाहले १–१ गोल गरे ।
खेलको नवौं मिनेटमा मानेले गोल गर्दै लिभरपुललाई सुरुवाती अग्रता दिलाएका थिए । यो उनको १००औं प्रिमियर लिग गोल हो ।
३७औं र ५२औं मिनेटमा फिर्मिनाले गोल गर्दा लिभरपुल ३–० ले अघि बढ्यो । ५४औं मिनेटमा सलाहले टोलीका लागि चौथो गोल गरे ।
थप गरिएको समयमा फिर्मिनाले आफ्नो ह्याट्रिक पूरा गर्दै लिभरपुललाई फराकिलो जित दिलाए ।
जितसँगै लिभरपुल ८ खेलमा १८ अङ्कका साथ शीर्ष स्थानमा उक्लिदा समान खेलबाट ७ अङ्क जोडेको वाट्फोर्ड १५औं स्थानमा छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
