प्रिमियर लिग : म्यानचेस्टर युनाइटेड लेस्टर सिटीसँग पराजित
फरकधार / ३१ असोज, २०७८

इंग्लिस प्रिमियर लिग अन्तर्गत शनिबार भएको खेलमा म्यानचेस्टर युनाइटेड पराजित भएको छ । युनाइटेड घरेलु टोली लेस्टर सिटीसँग४–२ ले पराजित भएको हो ।



सुरुवाती अग्रता जोगाउन नसक्दा युनाइटेड स्तब्ध बन्न पुगेको हो । खेलको १९औं मिनेटमा मासोन ग्रिनउडले पाहुना टोलीलाई अग्रता दिलाएका थिए ।

खेलको ३१ औं मिनेटमा युरी टेलिमान्सले घरेलु टोलीका लागि बराबरी गोल फार्काए । ७८ औं मिनेटमा काग्लर सोयुन्सुले गोल गर्दा लेस्टर २–१ ले अघि बढ्यो ।

८२औं मिनेटमा मार्कुस राशफोर्डले युनाइटेडलाई २–२ को बराबरीमा ल्याए । 



८३ औं मिनेटमा जेमी भार्डी र थप गरिएको समयमा प्याटसन डाकाले गोल गर्दै लेस्टरलाई सहज जित दिलाए ।

पराजयसँगै युनाइटेड ८ खेलमा १४ अंक जोड्दै पाँचौ स्थानमा रहँदा जित हात पारेको लेस्टर समान खेलबाट ११ अंकका साथ ११औं स्थानमा छ ।

लिग अन्तर्गत शनिबार नै भएका अन्य खेलमा म्यानचेस्टर सिटीले बर्नेलीलाई २–० ले पराजित गर्दा नर्विच सिटी र ब्राइटनले गोलरहित बराबरी खेले ।  


  • प्रकाशित मिति : असोज ३१, २०७८ आइतबार ७:२९:४१,   अन्तिम अपडेट : असोज ३१, २०७८ आइतबार ७:५५:२४

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यो सामग्री सेयर गर्नुहोस्


यो पनि नछुटाउनुहोस्
मल्टिमिडिया