धनुषाामा तीन जना सवार मोटरसाइकल दुर्घटनामा परी २ जनाको मृत्यु भएको छ भने एक जना घाइते भएका छन्।
मोटरसाइकल अनियन्त्रित भई रुखमा ठोक्किँदा दुईजनाको मृत्यु भएको हो ।
सबैला नगरपालिकामा शनिबार दिउँसो तीव्र गतिमा रहेको बा.४८ प. ५५२२ नम्बरको मोटरसाइकल अनियन्त्रित भई रुखमा ठोक्किँदा दुईजनाको मृत्यु भएको जिल्ला प्रहरी कार्यालय धनुषाले जनाएको छ ।
मृत्यु हुनेमा धनुषाको गणेशमान चारनाथ नगरपालिका-१ बस्ने २७ वर्षीय दीपलाल महरा र सोही ठाउँका २१ वर्षीय हरिचन महरा छन् ।
मोटरसाइकलमा सवार लालबाबु पासवान गम्भीर घाइते भएका छन् ।
तीव्र गतिका कारण मोटरसाइकलले नियन्त्रण गुमाउँदा रुखमा ठोक्किएर दुर्घटना भएको प्रहरीले जनाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।