कानुन व्यवसायीहरुको छाता संगठन नेपाल बार एसोसियसनको पदाधिकारी बैठकले प्रधानन्यायाधीश चोलेन्द्र शम्शेर जबराले राजीनामा दिनु पर्ने निष्कर्ष निकालेका छन् ।
सोमबार बसेको बारको बैठकले न्यायपालिकाको गरिमा बचाउनका लागि भए पनि प्रधानन्यायाधीश जबराले राजीनामा दिनु पर्ने निष्कर्ष निकालेको हो ।
जबराले राजीनामा दिएर निकास निकाल्लु पर्ने निष्कर्ष आफूहरुले निकालेको बारका अध्यक्ष चण्डेश्वर श्रेष्ठले जानकारी दिएका छन् ।
बारका पदाधिकारी बैठकले प्रधानन्यायाधीश जबराले राजीनामा दिए मात्र अहिले न्यायालयमा देखिएको गतिरोध अन्त्य हुने निष्कर्ष निकालेका हुन् ।
बारले मंगलबारका लागि सल्लाहकार समितिको बैठक आव्हान गरेको छ । बारको सल्लाहकार समितिमा पूर्वअध्यक्षहरू, उपत्यका बारका पदाधिकारी र नेपाल बारका पूर्वपदाधिकारीको सहभागिता हुनेछ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।