राशिदले तोडे मालिंगाको कीर्तिमान
फरकधार / १३ कात्तिक, २०७८

अफगानिस्तानका स्पिनर राशिद खानले टि-२० अन्तर्राष्ट्रिय क्रिकेटमा नयाँ कीर्तिमान बनाएका छन् ।



आइसिसी टि-२० विश्वकप अन्तर्गत शुक्रबार राति पाकिस्तानसँगको खेलमा राशिदले टि-२० अन्तर्राष्ट्रियमा सर्वाधिक छिटो १०० विकेट लिने बलरको कीर्तिमान बनाएका हुन् ।

राशिदले मात्र ५३ खेलमा यो कीर्तिमान कायम गरे । उनले श्रीलंका पूर्व खेलाडी लासिथ मलिंगाको ७६ खेलको कीर्तिमान तोडेका हुन् । 



१५औं ओभरको पहिलो बलमा मोहम्मद हफिजलाई गुलबदीन नइबबाट क्याच गराउँदै राशिदले यो सफलता हात पारेका थिए । 



राशिद टि-२० अन्तर्राष्ट्रियमा १०० विकेट लिने चौथो खेलाडी हुन् । राशिद र मालिंगासहित बंगलादेशका स्पिनर साकिब अल हसन र न्युजिल्यान्डका तीव्र गतिका बलर टिम साउदीले यो सफलता प्राप्त गरेका छन् ।

राशिद एकदिवसीयमा पनि पनि सर्वाधिक छिटो १०० विकेट लिने बलर हुन् । राशिदले ४४ एकदिवसीय खेलमा १०० विकेट पूरा गरेका थिए । 
 

  • प्रकाशित मिति : कात्तिक १३, २०७८ शनिबार १२:३४:४७,   अन्तिम अपडेट : कात्तिक १३, २०७८ शनिबार १२:५३:२६

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया