नेपाली कांग्रेसका सहमहामन्त्री प्रकाशशरण महतले महामन्त्री पदमा उम्मेदवारी दिने भएका छन् ।
आज पुरानो बानेश्वरस्थित एक होटलमा आज पत्रकारहरूसँग भेटघाटका उनले महामन्त्री पदमा उम्मेदवारी दिने बताएका हुन् ।
औपचारिक रूपमा उम्मेदवारी घोषणा भने पछि गर्ने महतले बताए ।
पार्टीको महाधिवेशन पनि हेरफेर गरिएको कार्यतालिकाअनुसार हुने भएको उनले बताए । महत पार्टीमा सभापति शेरबहादुर देउवा निकट मानिन्छन् ।
यसअघि महामन्त्री पदमा प्रवक्ता विश्वप्रकाश शर्मा र केन्द्रीय सदस्य गगनकुमार थापाले उम्मेदवारी घोषणा गरिसकेका छन् ।
अर्का प्रभावशाली केन्द्रीय सदस्य प्रदीप पौडेलले पनि सोही पदमा उम्मेदवारी दिने बताइसकेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
