च्याम्पियन्स लिग अन्तर्गत गए राति भएको खेलमा म्यानचेस्टर युनाइटेड र एट्लान्टा २–२ को बराबरीमा रोकिएका छन् ।
म्यान्चेस्टरका लागि दुवै गोल क्रिस्टियानो रोनाल्डोले गर्दा घरेलु टोली एट्लान्टाका लागि जोसिप इलिसिस र डुभेन जापाटाले १–१गोल गरे ।
खेलको १२ औं मिनेटमा इलिसिसले गोल गर्दै एट्लान्टलाई अग्रता दिलाएका थिए । पहिलो हाफको थप गरिएको समयमा रोनाल्डोले युनाइटेडका लागि बराबरी गोल फर्काए ।
५६औं मिनेटमा जोपाटाले एट्लान्टालाई २–१ ले अघि बढाए । जिततर्फ उन्मुख घरेलु टोली खेलको अन्त्यतिर सम्हालिन नसक्दा अंक बाँड्न बाध्य बन्यो ।
दोस्रो हाफको थप गरिएको समयमा रोनाल्डोले गोल गर्दै युनाइटेडकोे हार टारे ।
यो नतिजासँगै युनाइटेड ४ खेलमा ७ अंक जोडेर समूह ‘एफ’ को शीर्ष स्थानमा रहँदा एट्लान्टा समान खेलमा ५ अंकका साथ तेस्रो स्थानमा छ ।
यही समूहको अर्को खेलमा भिल्ला रियलले योङ व्बाइजमाथि २–० को जित हात पार्याे ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
