आइसिसी टि–२० विश्वकप : भारतको पहिलो जित
फरकधार / १८ कात्तिक, २०७८

आइसिसी टि–२० विश्वकप क्रिकेटमा भारतले पहिलो जित हात पारेको छ । 



गएराति भएको खेलमा भारतले अफगानिस्तानमाथि ६६ रनको जित हात पारेको हो । यसअघि भारत लगातार दुई खेलमा पराजित भएको थियो । 

भारत पहिलो खेलमा पाकिस्तानसँग र दोस्रो खेलमा न्यूजिल्यान्डसँग पराजित भएको थियो ।



स्कटल्याण्ड र नामिबियालाई हराएको अफगानिस्तान पाकिस्तान र भारतसँग पराजित भएको हो । 



बुधबार टस हारेर ब्याटिङको निम्तो पाएको भारतले अफगानिस्तानलाई जितका लागि २११ रनको लक्ष्य दिएको थियो । सो लक्ष्य पछ्याएको अफगानिस्तानमा २० ओभरमा ७ विकेट गुमाएर १४४ रनमा समेटियो । 

अफगानिस्तानका लागि करिम जन्नतले सर्वाधिक ४२, कप्तान मोहम्मद नावीले ३५ र रहमानुल्लाह गुरबाजले १९ रन जोडे ।

भारतका मोहमद शामीले तीन, रविचन्द्रन आश्विनले दुई तथा जसप्रित बुमराह र रविन्द्र जडेजाले एक–एक विकेट लिए ।

यसअघि पहिले ब्याटिङ गर्ने निम्तो पाएको भारतले उत्कृष्ट ब्याटिङ गर्दै निर्धारित २० ओभरमा दुई विकेट गुमाएर २१० रन बनाएको थियो । भारतका लागि रोहित शर्माले ४७ बलमा ८ चौका र ३ छक्कासहित ७४ रन जोडे ।

यस्तै केएल राहुलले ६९, हार्दिक पाण्ड्याले ३५ रन र रिशभ पन्तले २७ रन बनाए । अफगानिस्तानका करिम जनत र गुलबदिन नइबले एक–एक विकेट लिए । 
 

  • प्रकाशित मिति : कात्तिक १८, २०७८ बिहीबार ७:३१:१३,  

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया