बागमती प्रदेशका मुख्यमन्त्री राजेन्द्र पाण्डेले प्रदेशसभाबाट आज विश्वासको मत लिने भएका छन् । कात्तिक ११ गते मुख्यमन्त्री नियुक्त भएका पाण्डेले दिउँसो ३ बजे बस्ने प्रदेशसभाको बैठकमा उनले उनले विश्वासको मत लिनेछन् ।
दुई वा दुई भन्दा बढी दलको समर्थनमा नियुक्त भएका मुख्यमन्त्रीले ३० दिनभित्र विश्वासको मत लिनुपर्ने संवैधानिक व्यवस्था छ । सोही अनुसार नेकपा एसका नेता समेत रहेका पाण्डेले विश्वासको मत लिन लागेका हुन् ।
उनलाई सत्ता गठबन्धनमा रहेका दल नेपाली कांगेस, माओवादी केन्द्र र जनता समाजवादी पार्टीको समर्थत छ ।
१ सय ९ सिट रहेको प्रदेशसभामा बहुमतका लागि ५५ सांसद चाहिन्छ । सत्तारुढ गठबन्धनसँग ५९ मत छ ।
उनलाई माओवादी केन्द्रको २३, कांग्रेसको २२, एकीकृत समाजवादीको १३ र जसपाका १ जना सांसदको समर्थन छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
