काठमाडौं उपत्यकाका अदालतमा धर्ना दिँदै छन् वकिल
फरकधार / २५ कात्तिक, २०७८

प्रधानन्यायाधीश चोलेन्द्रशम्शेर जबराको राजीनामा माग गर्दै आन्दोलनमा उत्रिएका वकिलहरुले आज काठमाडौं उपत्यकाभित्रका सबै अदालतमा धर्ना दिने भएका छन् ।



नेपाल बार एशोसिएसनले घोषणा गरेको आन्दोलन अन्तर्गत आज बिहान १० बजेदेखि वकिलहरुले १२ बजेसम्म कालोपट्टी बाँधेर अदालतमा धर्ना दिन लागेका हुन् ।

यसअघि बारकै अगुवाइमा वकिलहरुले सर्वोच्च अदालत परिसरमा मात्र प्रदर्शन गर्ने वा धर्ना दिने काम सुरु गरेका थिए । 



उनीहरुको प्रमुख माग भनेको प्रधानन्यायाधीश चोलेन्द्र शम्शेर जबराको राजीनामा हो । तर, प्रधानन्यायाधीश जबराले राजीनामा दिन नमानेपछि उनीहरुले धर्नाको दायरा बढाएका हुन् ।



सर्वोच्चका न्यायाधीशले पनि प्रधानन्यायाधीश जबरालाई असहयोग गर्दै आएका छन् । तर, प्रधानन्यायाधीश जबराले आफूले राजीनामा नदिने बताइसकेका छन् ।

  • प्रकाशित मिति : कात्तिक २५, २०७८ बिहीबार १०:४७:१४,  

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया