सर्वोच्च अदालतमा असन्तुष्ट भए पनि बन्दी प्रत्यक्षीकरणको मुद्दा हेर्न थालेका न्यायाधीशरुलाई अप्ठ्यारोमा पार्न प्रधानन्यायाधीश चोलेन्द्र शम्शेर जबराले नयाँ चाल चालेका छन् ।
उनले अरु मुद्दाहरुलाई प्राथमिकतामा राखेर बन्दी प्रत्यक्षीकरणको निवेदनलाई त्यसपछिको प्राथमिकतामा राखेका हुन् ।
यसअघि सर्वोच्च अदालतमा बन्दी प्रत्यक्षीकरणका निवेदनलाई प्राथमिकता दिँदै आइएको थियो ।
पेशी तोक्दा पनि पहिले बन्दी प्रत्यक्षीकरणको तोक्नदले र अन्य मुद्दाको पालो राख्ने चलन सर्वोच्चमा थियो । यसअघि प्रधानन्यायाधीशलाई असहयोग गरिरहेका न्यायाधीशहरुले
बन्दी प्रत्यक्षीकरणका मुद्दा हेर्न थालेका थिए । त्यसपछि अन्य मुद्दा हेर्न नभ्याइने भन्दै उनीहरु निस्किने गरेका थिए ।
तर, बिहीबार प्रधानन्यायाधीश जबराले बन्दी प्रत्यक्षीकरणका मुद्दा बीचमा राखिदिएका छन् । अब न्यायाधीशहरुले क्रमशः मुद्दाहरु हेर्नु पर्ने हुन्छ ।
बिहीबार प्रधानन्यायाधीश जबराले ९ वटा इजलास तोकेकोमा आफू र न्यायाधीशहरु नहकुल सुवेदी र विश्वम्भर श्रेष्ठलाई छुट्टाछुट्टै एकल इजलास तोकेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।