नेपाली महिला राष्ट्रिय क्रिकेट टिमको बंगलादेशबाट नेपाल आउने हवाई उडान छुटेको छ ।
नेपाली टोली आईसीसी विश्वकप क्रिकेटको एसिया छनोटको तयारीका लागि बंगलादेश भ्रमणमा गएको थियो ।
कोभिड–१९ प्रोटोकल पालन हुन नसकेपछि नेपाली महिला क्रिकेट टोलीको बिहीबार बंगलादेशको ढाकाबाट काठमाडौं आउने उडान छुटेको नेपाल क्रिकेट संघ (क्यान)ले जनाएको छ ।
कोभिडको पिसीआर रिपोर्ट नहुँदा विमानस्थलमा नेपाली टोलीलाई प्रवेशमा रोक लगाइएको थियो ।
क्यानले यस विषयमा टिम व्यवस्थापकसँग औपचारिक प्रतिवेदन माग गरेको छ ।
हवाई उडान छुटेपछि नेपाली टोली बसबाट नेपालको यात्रा गर्ने जनाइएको छ ।
नेपाली टोली बिहिबार साँझ नेपाल आइपुग्ने क्यानले जनाएको छ ।
नेपाली टिमको प्रशिक्षकमा जगत टमटा रहेका छन् भने टिम व्यवस्थापक जयन्ती भट्ट रहेका छन् ।
बंगलादेशमा रहँदा नेपाली टिमले प्रशिक्षणसँगै सिरिज अन्तर्गत तीन मैत्रीपूर्ण खेल खेलेको थियो । नेपाली टिमले सिरिज जितेको थियो ।
बंगलादेशको तयारी सकेर नेपाली टिम युएई प्रस्थान गर्ने तालिका रहेको छ ।
छनोट प्रतियोगिता यूएईमा नोभेम्बर १९ देखि २९ गतेसम्म हुनेछ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।