युनाइटेड अरब इमिरेट्स (युएई)ले आफ्नो देशभित्र रहेका अन्तर्राष्ट्रिय कम्पनीमा कार्यरत कर्मचारीलाई अबदेखि पाँच वर्षको भिसा दिने भएको छ ।
युएईको राजकुमार शेख हमदान बिन मोहम्मदले ट्वीटर मार्फत यो जानकारी दिएका हुन् ।
‘हाम्रो उदेश्य अन्तर्राष्ट्रिय कम्पनीलाई सुविधा दिनु हो र उनीहरुको टीमलाई वर्षभरि सम्मेलन, बैठक र प्रदर्शनीमा दुबई आउन जान सहज बनाउनु हो,’ शेखले मंगलबार ट्वीटर मार्फत भनेका छन् ।
युएईले पछिल्ला वर्षहरुमा भिसा अवधि फेरबदल गरिरहेको छ । सन् २०१९ मा युएईले १० वर्षीय गोल्डेन भिसा र यस वर्ष पाँच वर्षको टुरिष्ट भिसाको सुरुवात गरेको छ ।
यस्तै, युएईमा १४ लाख अमेरिकी डलर लगानी गर्ने जो कोहीलाई पनि पाँच वर्षको आवासीय भिसाको व्यबस्था युएईले गरेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
