द डिभाइन म्युजिकको प्रस्तुतिमा रहेको नेपाली गीत ‘रित्तो रित्तो’को भिडियो सार्वजनिक गरिएको छ । बिहीबार राजधानीमा पत्रकार सम्मेलन आयोजना गरी उक्त गीतको भिडियो सार्वजनिक गरिएको हो ।
पत्रकार सम्मेलनमा संगीतकार अर्जुन पोखरेल, गायक तथा अभिनेता रोशन अधिकारी, निर्देशक विधान कार्कीलगायतको उपस्थिति थियो ।
दिग्गज धौलारीको शब्द रचना र अर्जुन पोखरेलको संगीत रहेको गीतमा रोशन अधिकारीको स्वर रहेको छ । पाँच महिनाअघि मुस्ताङका विभिन्न स्थानमा छायांकन गरिएको भिडियोमा नायिका पूजा शर्मा र गायक अधिकारीको अभिनय छ ।
भिडियोका निर्देशक विधान कार्की हुन् भने उत्सव दाहालको छायांकन र विकास दाहालको सम्पादन रहेको छ ।
गीतका निर्माता तथा गायक अधिकारी संयुक्त राज्य अमेरिका बस्दै आएका छन् । संगीतकार पोखरेलले विदेशमा व्यापार व्यवसाय भए पनि नेपालमा नै गीत संगीतका केही गर्छु भनेर कोही आउँछ भने त्यो राम्रो कुरा भएको बताए ।
रोशनको प्रतिभाको प्रशंसा गर्दै पोखरेलले आफ्नो गीत ’धर्ती आकाश’को अर्को भागमा उनैलाई गाउन दिने बताए । पोखरेलले भने, ‘उहाँजत्तिको प्रतिभामाथि लगानी गर्न म डराउँदिनँ ।’
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
