सहिद स्मारक ए डिभिजन लिगमा ललितपुरको थ्रीस्टार क्लबले शानदार सुरुवात गरेको छ ।
त्रिपुरेश्वरस्थित दशरथ रंगशालामा थ्रीस्टारले शनिबार सहरी प्रतिद्वन्द्वी च्यासल युथ क्लबमाथि ३-० को सहज जित हात पारेको हो ।
खेलको २१औं मिनेटमा निशान खड्काले फ्रि किकमार्फत उत्कृष्ट गोल गर्दै थ्रीस्टारलाई अग्रता दिलाएका थिए ।
२६औं मिनेटमा विकास मेराग्लिया पेनाल्टीमा चुक्दा च्यासलले बराबरी गर्ने सुवर्ण अवसर गुमायो ।
विकासको प्रहारलाई थ्रीस्टारका गोलरक्षक प्रिसोले बचाउ गरेका थिए ।
थ्रीस्टारका डिफेन्डर अनन्त तामाङले डिबक्सभित्र विकासलाई नै लडाएपछि च्यासलले पेनाल्टीको अवसर पाएको थियो ।
४५औं मिनेटमा हेमन्त थापामगरको फ्रि किकलाई हेडमार्फत गोल गर्दै राफायल बिडियास रिमले थ्रीस्टारको अग्रता दोब्बर बनाए ।
५८औं मिनेटमा अनन्त तमाङले थ्रीस्टारका लागि तेस्रो गोल गरे ।
यो जितसँगै थ्रीस्टारले ३ अंक जोड्दा च्यासलले भने लिगको सुरुवात हारबाट गरेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।