इंग्लिस प्रिमियर लिगमा लिभरपुलले आर्सनलमाथि शानदार जित हात पारेको छ । गएराति भएको खेलमा घरेलु टोली लिभरपुलले आर्सनलमाथि ४–० को जित हात पारेको हो ।
लिभरपुलको जितमा सादियो माने, डिएगो जोटा, मोहम्मद सलाहा र मिनामिनोले एक एक गोल गरे । यससँगै आर्सनलको पछिल्ला १० खेलको अपराजित यात्रामा पनि पूर्णविराम लागेको छ ।
खेलको ३९औं मिनेटमा नै मानेले गोल गर्दै अग्रता दिलाएका थिए । दोस्रो हाफको ५२ औं मिनेटमा जोटाले लिभरपुलको अग्रता दोब्बर पारे । यस्तै ७७ औं मिनेटमा सलाहा र ७७ औं मिनेटमा मिनामिनोले गोल गरेपछि लिभरपुलले शानदार जित हात पारेको हो ।
यो जितसँगै १२ खेलबाट २५ अंक जोडेको लिभरपुल लिगको दोस्रो स्थानमा उक्लिएको छ । शीर्ष स्थानको चेल्सीको समान खेलबाट २९ अंक छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
