नेकपा एमालेको दशौं राष्ट्रिय महाधिवेशनका लागि अब चार दिन बाँकी छ । तर, अहिलेसम्म एमालेमा कसकसले कुन पदमा उम्मेदवारी दिँदै छन् भन्ने विषयमा खुलिसकेको छैन ।
औपचारिक रुपमा एमाले नेताहरु कमैले उम्मेदवारी घोषणा गरेका छन् ।
आइतबार दिउँसो एमाले उपाध्यक्ष भीम रावलले अध्यक्षमा उम्मेदवारी दिने घोषणा गरेका छन् । महाधिवेशनमा अब उनी अध्यक्ष केपी शर्मा ओलीसँग चुनावी मैदानमा अध्यक्ष पदका लागि होमिएका छन् ।
तर, यही विषयलाई ओलीनिकट एमाले नेता गोकुल बाँस्कोटाले व्यंग्य गरेका छन् ।
सामाजिक सन्जाल ट्विटरमा गोकुलले लेखेका छन्, ‘धेरै कमरेडहरु भटाभट उम्मेदवारी घोषणा गर्दै पो रेछन् त !’ अनि उनले थपेका छन्, ‘जे त होला म पनि गर्दिम कि जस्तो लाग्न थाल्यो बा ।’
बाँस्कोटाले यसपटक सचिवमा उम्मेदवारी दिने सम्भावना बढेको उनीनिकट नेताहरु बताउँछन् । तर, यसको लागि उनले औपचारिक घोषणा गरिसकेका छैनन् ।
याे पढ्न नछुटाउनुहाेस्-
अध्यक्षमा उम्मेदवारी दिने घोषणामा भीम रावलका दुई स्वार्थ, दुई सन्देश
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
