जनकपुरधाम उपमहानगरपालिकाका स्थानीयले एक गणकलाई लखेटेका छन् ।
जनगणनामा गणकले जाति र धर्म नै टिपोट नगरेको भन्दै जनकपुरधाम उपमहानगरपालिका वडा नम्बर–१३ रानी बजारमा स्थानीयले गणकलाई लखेटेका हुन् ।
गणकले फारममा धर्म नै उल्लेख नगरी आफूखुसी घरमा लगेर फारम भर्ने बताएपछि स्थानीयले गणक आलोक देव साहलाई लखेटेर भगाएका छन् ।
गणक आलोक देव आज घरदैलोमा गणना गर्न पुगेको बेला फारममा सबैकुरा उल्लेख गरे पनि जाति र धर्ममा स्पष्ट उल्लेख नगर्दा लफडा सुरु भएको थियो ।
गणकले समय अभाव र धेरै स्थान जानुपर्ने भएकोले घरमै गएर लेख्ने बताएका थिए ।
गणकको जवाफपछि स्थानीयले गणकलाई समातेर प्रहरीलाई बोलाएका थिए । स्थानीय प्रहरी आएर पनि कुनै कारबाही नगर्दा आक्रोशित बनेका जनकपुरधाम–१३ का बासिन्दाले गणकलाई लखेटेर भगाएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
