पूर्वपश्चिम राजमार्गअन्तर्गत रूपन्देहीको मुर्गियामा बिहीबार बिहान दुईवटा सवारीसाधन आपसमा ठोक्किदा आठजना घाइते भएका छन् ।
काठमाडौंदेखि दाङ जाँदै गरेको ना ६ ख २३३१ नम्बरको यात्रुवाहक बस र रूपन्देहीको हरैयाबाट बुटवलतर्फ आउँदै गरेको माइक्रोबस बिहान करिब ६ बजे सैनामैना नगरपालिका–४ मुर्गियामा आपसमा ठोक्किदा दुर्घटना भएको हो ।
दुर्घटनामा दुवै सवारीसाधनका चार/चार जना यात्रु घाइते भएका प्रदेश ट्राफिक प्रहरी कार्यालय बुटवलले जनाएको छ ।
घाइतेको लुम्बिनी प्रादेशिक अस्पतालमा उपचार भइरहेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
