नेपाली कांग्रेसको १४ औं महाधिवेशनअन्तर्गत रुकुम पश्चिमको सभापतिमा प्रेमप्रकाश वली चयन भएका छन् । उनी सर्वसम्मत चयन भएका हुन् । वली यसअघि पनि जिल्ला सभापतिको भूमिका थिए ।
त्यस्तै, उपसभापतिमा हर्कसिङ खत्री, सुरजजंग मल्ल, सचिवमा परमेश्वर भण्डारी र तारकबहादुर शाही, सह-सचिवमा यज्ञबहादुर विष्ट र प्रेमबहादुर खड्का चयन भएका छन् ।
जिल्ला कार्य समितिले कोषाध्यक्ष मनोनित गर्ने भएको छ । यसअघिका कोषाध्यक्ष मोहवीर खड्कालाई नै दोहोर्याउने संकेत दिइसकेको छ ।
रुकुम पश्चिममा प्रदेश निर्वाचन क्षेत्रको नेतृत्व सर्वसम्मत भएको हो । प्रदेश निर्वाचन क्षेत्र ‘क’मा महेन्द्र केसी चयन भएका छन्, भने ‘ख’मा भद्रबहादुर विष्ट चयन भएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
