युएईमा जारी आइसिसी महिला टी-२० विश्वकप एसिया छनोटमा आज नेपालले मलेसियासँग खेल्दैछ । यी टोलीबीचको खेल बिहान सवा ११ बजेदेखि सुरु हुनेछ ।
ग्लोबल छनोटमा पुग्ने सम्भावना कायमै राख्न नेपालले मलेसियालाई हराउनैपर्ने हुन्छ । यदि मलेसिया हार बेहोरे शीर्ष स्थानमा रहेर अर्को चरणमा पुग्ने नेपालको सम्भावना लगभग समाप्त हुनेछ ।
जारी प्रतियोगितामा नेपालले तीन म्याच खेल्दा दुईमा जित र एक खेलमा हारको सामना गरेको छ । पहिलो खेलमा नेपाल हकङकसँग ६ विकेट पराजित भएको थियो ।
दोस्रो खेलमा भने नेपालले भुटानलाई ८ र तेस्रो म्याचमा कुवेतलाई ९ विकेटले हराउन सफल भयो । नेपालले आइतबार लिगको अन्तिम खेलमा युएईको सामना गर्नेछ । जारी प्रतियोगितामा नेपालसहित घरेलु टोली युएई, भुटान, कुवेत, हङकङ र मलेसियाले खेलिरहेका छन् । अंक तालिकाको शीर्षमा रहने टोली टी–२० विश्वको छनोट चरणमा पुग्नेछ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
