जबरजस्ती करणी उद्योग मुद्दामा पक्राउ परेका चिनियाँ नागरिकलाई छुटाइदिन्छु भन्दै २० लाख रुपैयाँ मागेर फरार भएकी एक महिला पक्राउ परेकी छन् ।
जबरजस्ती करणी उद्योगमा पक्राउ परेर डिल्लीबजार कारागारमा रहेका चिनियाँ नागरिक लिउ युउलाई थुनामुक्त गराइदिने भन्दै २० लाख रूपैयाँ लिएर फरार भएकी २७ वर्षीया रबिना थापालाई प्रहरीले पक्राउ गरेको हो ।
रबिनाले मञ्जु ओलीको सहयोगमा चिनियाँ नागरिकको श्रीमती कमला भुसालसँग २० लाख रूपैयाँ मागेकी थिइन् । चितवन रत्ननगर नगरपालिका ३ टाँडी घर भई हाल सुकेधारा बस्दै आएकी भुसालसँग काभ्रेपलाञ्चोक पनौती नगरपालिका १० घर भई सुकेधार नै बस्ने रबिनाले जेलबाट छुटाउने भन्दै २० लाख रुपैयाँ मागेकी थिइन् । पैसा लिएर फरार भएपछि कमलाले प्रहरीमा रबिना र मञ्जुविरुद्ध उजुरी दिएकी थिइन् ।
रबिनाले आफ्नो मान्छे वकिल भएकाे र सबैलाई चिनेकाे भन्दै पैसा लिएकी थिइन् ।
उजुरीपश्चात महानगरीय अपराध महाशाखाको टोलीले रविनालाई छाउनीबाट पक्राउ गरेको हो । पक्राउ परेकी रबिनालाई आवश्यक कारवाहीका लागि महानगरीय परिसर टेकुमा पठाइएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।