फ्रेन्च क्लब पेरिस सेन्ट जर्मेन (पिएसजी) का अर्जेन्टिनी फरवार्ड लियोनल मेस्सीले याे वर्षकाे बालोन डी'ओर अवार्ड जितेका छन् ।
फ्रेन्च फुटबलले गएराति एक विशेष समारोहकाबीच मेस्सीलाई बालोन डी'ओर अवार्ड प्रदान गरेको हाे । मेस्सीले कीर्तिमानी सातौं पटक याे अवार्ड जितेका हुन् । यसअघि मेस्सीले २००९, २०१०, २०११, २०१२, २०१५ र २०१९ मा याे अवार्ड हात पारेका थिए ।
मेस्सीले रोबर्ट लेवान्डोस्की र जर्जिन्होलाई पछि पार्दै अवार्ड जितेका हुन् । मेस्सी बालोन डी'ओर अवार्ड जित्ने पिएसजीको पहिलो खेलाडी समेत बनेका छन् ।
म्यानचेस्टर युनाईटेडका पोर्चुगिज फरवार्ड रोनाल्डो छैटौं याे अवार्ड जितेका छन् । मेस्सीले आफ्नो कप्तानीमा यही वर्ष अर्जेन्टिनालाई कोपा अमेरिकाको उपाधि दिलाएका थिए ।
फ्रेन्च फुटबलले खेल पत्रकार, राष्ट्रिय टिमका कप्तान र प्रशिक्षकको भोटको आधारमा बालोन डी'ओर अवार्डको विजेता घोषणा गरिएको हो ।
महिलातर्फको बालोन डी'ओर अवार्ड बार्सिलोनाकी एलेक्सिया पुटेलासले जितिन् । यस्तै, जर्मन क्लब बायर्न म्युनिखका पोलिस फरवार्ड रोबर्ट लेवान्डोस्कीले 'स्ट्राइकर अफ दि इयर अवार्ड हात पारेका छन् ।
बार्सिलोनाका स्पेनिस मिडफिल्डर पेड्रीले यू-२१ को उत्कृष्ट खेलाडी बन्दै कोपा ट्रफी जितेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।