फिफा अरब कपको उद्घाटन खेलमा आयोजक कतारले जित विजयी सुरुवात गरेको छ । मंगलबार भएको उद्घाटन खेलमा बलियो खाडी प्रतिद्वन्द्वी बहराइनमाथि १-० को कठिन जित निकाल्दै कतारले प्रतियोगितामा विजयी सुरुवात गरेको हो ।
अल बायत स्टेडियम अल्खोरमा भएको प्रतिस्पर्धात्मक खेल पहिलो हाफमा गोलरहित बराबरी सकिएको थियो । खेलको सुरुवातमा बहराइनका अब्दुलवाहाब अलमलुदले बललाई वाइडमा हेड गरेपछि एक गोल कम भयो।
१८ औं मिनेटमा कतारका मोहम्मद वादले गोलको शीर्ष हाफमा स्ट्राइक गर्दै सुन्दर मौका पाएका थिए । तर, बहराइनका गोलरक्षक सैयद मोहम्मद अब्बासले जोगाए ।
६९ औं मिनेटमा हातेमले पोस्टमा उत्कृष्ट हेडर प्रहार गर्दै गोल गर्न सफल भए । यो जितसँगै कतारले महत्त्वपूर्ण ३ अंक जोड्न सफल भएको छ ।
प्रतियोगिताको पहिलो दिनको अन्य खेलमा युएईले सिरियालाई २–१, ट्युनिसियाले मोरिटानियालाई ५–१ गोल अन्तरले हराएको छ । इराक र ओमानले भने पहिलो म्याचमा१–१ गोलको बराबरी खेले ।
फिफाको सुपरिवेक्षणमा पहिलोपटक आयोजना भइरहेको प्रतियोगितामा १६ टिमले खेलिरहेका छन् । प्रतियोगितामा कतार, साउदी अरेबिया, ओमान, इराक, बहराइन, युएई, सिरिया, जोर्डन, प्यालेस्टाइन, लेबनान, इजिप्ट, ट्युनिसिया, अल्जेरिया, मोरक्को, मौरिटानिया र सुडानले खेलिरहेका हुन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
