तालिबानले गत अगस्टमा सत्ता कब्जा गरेपछि १०० भन्दा बढी पूर्वसुरक्षाकर्मीकाे हत्या गरेकाे मानव अधिकारवादी समूह ह्युमन राइट वाचले दाबी गरेकाे छ ।
वाचका अनुसार तालिवानले पूर्वसरकारका सुरक्षाकर्मीलाई क्षमा दिने बताए पनि स्थानीय कमान्डरले पूर्वप्रहरी र सेनालाई निशाना बनाएकाे हाे ।
वाचले पूर्वसेनामाथि गरिएका याेजनाबद्ध हत्याकाे विराेध गरेकाे छ । पूर्वसुरक्षाकर्मीमाथि कुनै कारबाही नभएकाे हालै तालिबान प्रवक्ताले जनाएका थिए ।
तालिबानले १५ अगस्टमा पूर्वराष्ट्रपति असरफ गनीकाे सरकार पदच्युत गरेकाे थियाे । तालिवानकाे पुन: उदयपछि अफगानिस्थानमा विगत २० वर्षदेखि रहेकाे अमेरिकी सेनाले काबुल छाेडेकाे थियाे।
पूर्वसरकारका सुरक्षाकर्मीलाई आममाफी दिइने बताए पनि उनीहरूमाथिकाे शृंखलाबद्ध हमला राेकिएकाे छैन ।
सत्तापलट गर्नुभन्दा १८ महिनाअघि तालिवानले ठूलाे नरसंहार मच्चाएकाे थियाे । उसले न्यायाधीश, पत्रकार र नागरिक अभियन्ताकाे हत्या गरेकाे थियाे ।
वाचले मंगलबार सार्वजनिक गरेकाे एक प्रतिवेदनअनुसार तालिबानले सत्ता सम्हालेपछि निरन्तर विराेधीलाई निशाना बनाएकाे उल्लेख छ । वाचका अनुसार तालिबाले गजनी, हेलमन्ड, कुन्दुज र कान्दहरमा १०० जना भन्दा बढीकाे हत्या गरेकाे छ ।
तालिवानले कारबाहीकाे सूची तयार पारेका व्यक्ति अहिले फेला नपरेकाेले उनीहरूकाे पनि हत्या भएकाे हुनसक्ने जनाइएकाे छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
