नेपाली कांग्रेसको प्रदेश अधिवेशनअन्तर्गत बागमती प्रदेशमा शनिबार भएको मतदानको प्रारम्भिक मतगणनाको रिपोर्ट आएको छ ।
त्यहाँ सभापतिका उम्मेदवार इन्द्रबहादुर बानियाँले अग्रता लिएका छन् । उनीसँगै सभापतिको प्रतिस्पर्धामा जगदिश्वरनरसिंह केसी र भीमसेनदास प्रधान रहेका छन् ।
सभापति देउवानिकट बानियाँले ७ सय मत गणना हुँदा ३ सय ४० मत पाएका छन् । केसीले २ सय ७७ मत पाएका छन् । प्रधानले ५५ मत पाएका छन् ।
बानियाँ देउवा, केसी रामचन्द्र पौडेल र प्रधान कृष्णप्रसाद सिटौलानिकट हुन् ।
बागमतीमा शनिबार भएको मतदानमा कुल दुई हजार १५१ मध्ये दुई हजार ८३ मत खसेको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
