अमेरिकाका लागि प्रस्तावित राजदूत श्रीधर खत्रीले एमसिसी लिने वा नलिनेबारे नेपालले अमेरिकालाई प्रस्टसँग भन्नुपर्ने बताएका छन् ।
सोमबार संसदीय सुनुवाइका क्रममा प्रस्तावित राजदूत खत्रीले एमसिसीबारे नेपाल र अमेरिका दुवै देशका अधिकारीले भ्रम फैलाउने काम गरेको दाबीसमेत गरे ।
सो सम्झौंतालाई इन्डो–प्योसेफिक स्ट्राटिजीसँग जोडेर हेर्न नहुने भन्दै प्रस्तावित राजदूत खत्रीले एमसिसी अनुदान भएको र ऋण तिर्नु नपर्ने स्पष्ट पारे ।
यो सम्झौता दुई मुलुकबीचको पार्टनरसिपमा अगाडि बढ्ने उनको बुझाइ थियो । उनले भने, ‘लिने हो भने पनि प्रस्ट भने हुन्छ । नलिने हो भने पनि प्रस्ट भने हुन्छ ।’
प्रस्तावित राजदूत खत्रीले संसदीय समितिलाई अमेरिकाले एमसिसीबारे पछिल्लोपटक प्रस्ट पारेको पनि बताए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
