बूढानीलकण्ठमा कांग्रेस सभापति शेरबहादुर देउवाले आफूनिकट नेताहरुको भेला बोलाएका छन् ।
बैठकमा सहभागी हुन उनी पक्षका नेताहरु बैठकस्थल पुगेका छन् ।
बैठकमा तीन जनाले महामन्त्री पदमा दाबी गरेका छन् ।
स्रोतका अनुसार बैठकमा एनपी साउद, बालकृष्ण खाँण र प्रकाशशरण महतले दाबी गरेका हुन् ।
त्यस्तै, सञ्चारमन्त्रीसमेत रहेका ज्ञानेन्द्रबहादुर कार्कीले पनि महामन्त्रीमा दाबी गरेका छन् ।
१४ औं महाधिवेशनको पूर्वसन्ध्यामा आयोजित यो बैठकमा देउवाले पदाधिकारीहरूको टुंगो लगाउने अनुमान गरिएको छ । तर, महामन्त्री पदका दाबेदार बढी हुँदा उनलाई सकस परेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
