भारतका रक्षा प्रमुख (चिफ अफ डिफेन्स स्टाफ) बिपिन रावत सवार हेलिकप्टर दुर्घटना हुँदा त्यसमा रहको चार जना सैनिकको मृत्यु भएको छ ।
घाइते तीन जनालाई उपचारको लागि अस्पताल पुर्याइएको भारतीय मिडियाले उल्लेख गरेका छन् ।
हेलिकप्टरमा भारतका रक्षा प्रमुख रावत, उनको श्रीमतीसहित १४ जना रहेको जनाइएको छ । रक्षा प्रमुख रावत र उनको श्रीमतीको अवस्थाबारे केही बताइएको छैन ।
भारतीय सेनाको एमआई–१७ भि ५ हेलिकप्टर दुर्घटना भएको भारतीय सेनाले जनाएको छ । भारतीय मिडियाका अनुसार हेलिकप्टरमा सेनाका अन्य वरिष्ठ अधिकारीहरु समेत रहेका थिए ।
रावतलाई १ जनवरी २०२० मा भारतको पहिलो चिफ अफ डिफेन्स स्टाफ नियुक्त गरिएको थियो ।
भारतीय सेनाले दुर्घटनाबारे सत्यतथ्य बाहिर ल्याउन छानबिनको आदेश दिएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
