उपराष्ट्रपति नन्दबहादुर पुनले मानवअधिकारका मुद्दामा गम्भीर हुन सबैलाई आग्रह गरेका छन् । ७३औँ अन्तराष्ट्रिय मानव अधिकार दिवसको अवसरमा आयोजित राष्ट्रिय महाभेलामा उनले सो धारणा राखेका हुन् ।
मुलुकमा मानव बेचबिखन, बोक्सी लैगिंक विभेद, छुवाछूतजस्ता सामाजिक कुप्रथा विद्यमान रहेको भन्दै उपराष्ट्रपति पुनले यस्ता कुप्रथा हटाउन सबैले आफ्नो स्थानबाट लागिपर्नुपर्ने बताए । उनले शिक्षा, स्वास्थ्य र सरसफाइजस्ता आधारभूत आवश्यकतालाई सरकारले सम्बोधन गर्नुपर्ने उनको भनाइ छ ।
राष्ट्रिय मानव अधिकार आयोगका अध्यक्ष टपबहादुर मगरले मानव अधिकारको उपभोगको सन्दर्भमा देखिएका समस्या र चुनौतीको समाधानका लागि सबैको प्रतिबद्धता आवश्यक रहेको बताए । मानव अधिकारबाट कसैलाई वन्चित गर्न नहुनेमा उनले जोड दिए ।
पूर्वसभामुख तथा मानव अधिकारकर्मी दमननाथ ढुंगानाले मानव अधिकार सुनिश्चिताको कार्यान्वयन पक्ष निकै कमजोर रहेको भनदै मानव अधिकार भाषणमा मात्रै सीमित हुन नहुने बताए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
